靚媽林嘉欣最近為法國護膚品牌拍廣告，疫情關係未能親身飛到巴黎取景，現場以巴黎艾菲爾鐵塔布景和過百朵鮮花營造效果，充滿花香，猶如置身其中。
嘉欣曾在法國留學，並連續8年擔任「法國五月藝術節大使」，她一見到巴黎風景海報便認出地點，如數家珍向工作人員介紹附近名勝和藝術品，說自己與法國特別有緣，希望疫情過後親往當地再續前緣。
受疫情影響，廣告團隊未能飛到法國取景，嘉欣指住身後的鐵塔海報說：「我知道呢個區，係巴黎Trocadero地鐵站其中一個出口，我行過呢條街，呢度有位好著名園藝藝術家Patrick Blanc，佢嘅垂直牆園藝（Vertical Wall）好出名。我同法國真係好有緣分，希望快啲可以飛去再續緣分！」
學童復課後，嘉欣感到開心，她說：「喺屋企Zoom上堂真係搞唔掂，好明顯呢兩年小朋友社交係退步咗，習慣隔住個屏幕跟同學仔傾偈，但見到真人唔知講乜嘢好，仲有，最開心泳池開番，我囡囡同我都好鍾意玩水，做帶氧運動又涼快，非常好。」
