MIRROR成員「教主」盧瀚霆（Anson Lo）昨晚（14日）連貼3張新歌《King Kong》造型照，並騷出壯臂，他叫神徒（粉絲暱稱）代他寫圖片說明：「今次Caption由你哋寫，期待你們的發揮~」神徒紛紛留言並發揮創意：「我琴晚瞓咗個半鐘咋」﹑「我啲caption全部都係18禁你想我點講？」﹑「#全世界最靚仔就係我」﹑「#努力食肥練大隻既成果 」﹑「#厚實的我」﹑「#躺在十噸沙中的美男撈」等。
事有湊巧，教主隊友呂爵安（Edan）之後亦在Ig貼黑白照，並「抄考」教主留言：「諗唔到Caption，你哋幫我諗﹗」張繼聰搞笑稱：「好想瞓覺...不過怕俾人影相...」阮小儀則寫道：「弊！急X...」有心水清的網民則留言：「#做咩抄人哋個文案 #諗唔到caption系列？」﹑「你！做！乜！野！事！點解我好似今日先睇左啲類似嘅嘢！」﹑「你哋想點啫？」等。
