今天（16日）除了是容祖兒和黃耀明的生日外，亦是張繼聰兒子張瞻的15歲生日，張瞻在社交網限時動態貼了捧蛋糕照。
阿聰則爆囝囝張瞻喜歡重溫經典港產片，包括《英雄本色》系列，昨晚他陪仔女煲經典電影《阿郎的故事》，阿聰寫道：「真係好睇到冇嘢好講，最後發哥衝線嗰幕...一起歌『從遠處聽見嘆息的詩~』眼淚就嚟料，諗住偷𥄫個仔有冇喊，睇下佢有冇血性，以後多啲孝順老竇，見到妹妹喊到七個一皮，係傷心痛哭，戲入面『波記』衝去想救老竇，嗰隻淒涼，我要抱住佢不停同佢講係假，阿朗佢冇事，仲日日跑緊山同喺街市食嘢同大家影相。結論係呢個女仔（指女兒）識撈，而我呢啲Biker睇完心郁郁，想學發哥就梗㗎喇，不過係呢味，重點係加尾鐵箱，原汁原味。」
