海俊傑剛推出新歌《平行時空》，歌詞揪心句句到肉，勾起不少人回憶：「當我收到歌詞嘅時候，都有少少驚訝，居然同自己年少時有類似經歷，感情路上都跌跌撞撞，呢啲回憶令我更投入，發揮得更得心應手。
我覺得每段感情都係人生課題，中間可能會出錯，但我覺得人就係要從錯誤中成長，好感激自己都有成長。唔敢講已經成就咗一個完美海俊傑，但依家的確係比以前成熟咗，會更珍惜身邊人，不論係太太、家人、朋友。」
海俊傑表示今次新歌有老闆親自做監製：「佢係一支好大強心針，由我重新返樂壇再做歌手呢個身分，當中真係要好大勇氣。希望以後日子可以有更多機會，比大家認識海俊傑，比大家了解更多我嘅音樂，希望大家音樂歌單裏面，會有我嘅歌曲，用歌曲同大家經歷唔同人生旅程。」
