戴耀明分享兒時與媽媽窩心事 沈可欣哽咽自責無暇照顧囝囝 (16:30)

文章日期:2022年06月27日

由余安安、羅敏莊、陳凱琳主持的《日日媽媽聲》第2輯,昨晚(26日)播出第10集,請來姚瑩瑩、沈可欣、黎耀祥及戴耀明擔任嘉賓。

出名孝順的戴耀明帶同媽媽參與錄影節目,戴耀明分享兒時與媽媽的窩心事,他說:「細個成日便秘,醫生叫我要做多啲運動,之後阿爸阿媽就陪我行樓梯,每日10次、8次左右,記得阿媽嗰時話『第日阿媽年紀大咗,陪唔到你咁樣行,大個咗唔好再便秘,衰仔』。」

為感謝媽媽多年來的照顧與支持,戴耀明送上手寫心意卡並讀出內容:「親愛的媽媽,人生幾十年光景,真的過得很快,轉眼間你也80幾歲了,正所謂有今生冇來世,幸運和你有緣做母子,希望有生之年你能開心過每天,食多啲好食嘅嘢,對你來說食落肚就係最實際,衰仔明仔上。」

《愛‧回家之開心速遞》的沈可欣和姚瑩瑩分享湊仔心得,她們表示做媽媽後,事事以小朋友為先,已沒有「me time」。提到做演員工作繁忙,有時難以抽空陪小朋友,身為兩子之母的沈可欣自責做得不夠好,她哽咽說:「睇番啲相覺得miss咗啲嘢,因為工作陪少咗佢哋,我係有guilty(內疚)嘅,有時返到屋企佢哋已經瞓咗覺,好似冇咗同佢哋一日嘅時間,作為媽媽我自覺做得唔夠,應該要陪佢哋多啲,教佢哋多啲嘢。」

視帝黎耀祥則分享與囝囝相處點滴,他指囝囝現在已長大成人,與囝囝的距離感雖然變大了,但感情仍深厚。當主持問到對囝囝有什麼期望時,祥仔笑言:「好奇怪,好多父母都話冇所謂,但當小朋友長大之後,你會期望佢成為你心目中嘅人,但慢慢就會放棄,因為知道呢個願望係唔會實現,始終大家行唔同嘅路,價值觀都唔同。」

(即時娛樂)