肥媽確診第3日再拍片交代病况 臉色蒼白狂咳兼氣喘 (17:50)

文章日期:2022年06月29日

打齊4針科興疫苗的肥媽(Maria Cordero)上星期五(24日)在社交平台自爆染疫,出現頭痛、發燒和咳嗽症狀。她日前(26日)在社交網拍片分享病况︰「第1日發高燒好辛苦,第2日退燒,但不停流汗,好頭痛。今日就咳得好緊要,唞氣有啲喘。冇咁辛苦,我講嘢都好好多。最緊要飲好多好多水,我日日飲10幾支水。噚日到今日不停流汗,一日要換4次衫。」

片中的肥媽面色蒼白,說話時咳嗽和氣喘,但她表示已感覺康復了很多,家中亦有中西藥物及維他命,請大家不要擔心。肥媽說︰「個菌係好勁好勁,我中呢個係好勁嘅菌,你feel到係好犀利嘅。我咁嘅年紀,今日第3日可以咁樣係奇蹟,所以中咗嘅人有打針嘅唔使擔心,冇打針快啲去打,係辛苦3日,我諗聽日會好㗎喇!真係多謝大家關心,未打針嘅真係要打針。原來中咗係咁辛苦㗎,好彩我打咗針。我辛苦兩日,第3日已經咁好,過多兩日冇事㗎喇!多謝大家問候,下星期見。」

肥媽在片下留言︰「今日係中了covid的第3日,終於退燒了,但個人好咳,唞氣都有啲喘,人人中covid的病徵都唔同,但我就覺得非常之辛苦,希望一日比一日好,多謝大家,我會好快好返見大家,miss you all!」

(即時娛樂)

 

相關字詞﹕肥媽 科興 新冠肺炎