去年由呂爵安（Edan）和「教主」盧瀚霆（Anson Lo）主演的港版《大叔的愛》大獲好評，而且收視不俗，劇中演凌少牧（阿牧）的Anson Lo，更憑該劇成「民選視帝」。
不經不覺該劇已經1周年，劇中演田一雄（田田）的Edan，在Instagram貼了多張和阿牧的合照，並寫道：「知道好多朋友都係因為呢套劇集先認識我，甚至成為『爵屎』。感恩可以遇上呢套劇，多謝你啊田一雄！仲記得當初就出街嘅時候嗰種既緊張又期待，喺到諗大家會咩反應，估大家會唔會鍾意，事隔一年，咁啱得咁橋，我上一年參演嘅作品，又準備要陸續同大家見面了。
今年嘅心情其實同上年都係差不多，又期待又緊張，不過唔同嘅可能係少咗份慌張，因為明白到其實好多嘢都係控制唔到，亦不能預測，所以做嘅時候用盡全力，對得住自己就夠了，希望嚟緊嘅作品，可以比大家睇到同上年有分別嘅Edan啦！」
