海俊傑（海仔）最近忙於宣傳新歌《平行時空》，日前他接受福音節目《2人3轆》邀請做嘉賓，海仔跟主持人李有毅乘坐三輪機動車周圍去，當中去到海仔小時候住過的地方。
到達目的地時，海仔感觸良多說：「嘩！個腦立即諗返起以前同爺爺嫲嫲一家人好開心嘅日子，真係好懷念，回過神望到依家眼前現實景象，真係有種平行時空感覺，好多感覺湧現，好有趣。」
節目組又安排海仔做busking，海仔說：「玩之前都有啲緊張㗎，又唔知多唔多人，又唔知有乜嘢反應，都唔理得咁多，交畀神安排！」當他唱新歌時，吸引不少途人圍觀，工作人員於人群中留意到一位小學生，用好純熟拍攝手法以手機影着海仔，還不停重複跟媽媽說：「佢係《法證先鋒》嗰個史釘呀！係史釘呀！」
