由余安安、羅敏莊、陳凱琳主持的《日日媽媽聲》第2輯，昨晚（3日）播出第11集，請來吳若希（Jinny）、徐榮及胡渭康擔任嘉賓。
育有一子一女的Jinny分享育兒心得，她透露囡囡較斯文，囝囝則屬於放飛自我類型，最鍾意不穿衣服周圍走，相當搞笑。學習能力方面，兩姊弟亦有很大差別，Jinny指囡囡語言能力較佳，囝囝運動能力較強。
一般人認為女兒是爸爸的前世情人，兒子則是媽媽的前世情人，Jinny卻笑言他們剛剛相反：「囡囡成日黐住媽媽，囝囝就每朝起身會好sweet咁去嗌爸爸，同埋囡囡好易呷醋，我攬住爸爸或細佬，佢就會問『點解你冇攬我』。」
提到老公家中地位，Jinny笑指囡囡和囝囝地位最高，工人姐姐和寵物緊隨其後，老公則排在最尾，她笑言：「工人姐姐地位好高，因為要幫手湊小朋友，小朋友都特別黐佢哋，我都覺得有少少對唔住老公！」
