岑珈其日前為銀行拍廣告，去年他榮升人父，亦創立了辣魚醬，演藝工作也忙個不停。他表示做老闆不可以懶，要親力親為睇住生意，「做生意同養個BB一樣，要出心出力，不時做到『嘔血』。初初出嚟搞生意，真係嫌24個鐘唔夠用，呢頭同老婆講早抖，自己就出廳繼續開會，好內疚冇乜時間陪佢。當時乜嘢都唔識會撞板，真係試味都試到麻木，直到做到第一單生意，感動到想喊出嚟」。
雖然創業佔用大部分時間，更要在家庭、演藝事業忙碌，不過岑珈其表示沒想過放棄，「創業初時忙到瞓都冇得瞓，但我覺得呢隻味係好嘅、有得搞，所以點都堅持，我同自己講，一定會吸引到人，而且堅持係身教，未來可以同囝囝講呢個經驗，畀佢知只要畀心機、堅持就有希望」。
