無綫劇集《回歸》昨晚一集講述區家謙（吳偉豪飾）在安若彤（游嘉欣飾）生日前夕，吩咐安若彤訂枱及著靚啲，結果令安若彤表錯情，安若彤最後因場面尷尬而落荒而逃。雖然家謙累彤彤「食檸檬」，但這位老闆對私人助理不乏欣賞和關心，兩人的互動亦見甜蜜，令「謙彤CP」成功入屋。
吳偉豪讚游嘉欣表現專業兼轉數快：「有時會即場喺劇本上加啲改動，游嘉欣都即刻可以配合到。最難忘我哋喺第3集以航拍機拍Office戲，我同游嘉欣Cut機後冇Playback睇，所以當時其實係唔知自己拍咗啲乜。」
吳偉豪在劇中戴上眼鏡，飾演IT公司主席兼行政總裁。雖然有網民認為他演技有待改進，但亦有人盛讚他顏值高，應付長對白有一手。吳偉豪坦言在對白方面下了不少工夫：「真係要花好多心機去背熟對白，每日一有時間就重複練習，不停講，講到順為止。」
監製林志華一早鎖定吳偉豪、周嘉洛在劇中飾演兩兄弟，直指吳偉豪有標準小生外形，講長對白時不似背書，而且幾有戲味，值得讚賞。
