香港開電視節目《空間改造王》一直備受觀眾喜愛，是該台收視王牌節目，節目由李尚正（阿正）及盧頌恩（妹頭）配音，講述日本設計工匠把舊屋脫胎換骨，為無數家庭帶來幸福舒適的家，創造出不少「奇蹟」。
如今「奇蹟」終於在香港發生，香港開電視推出港版《空間改造王》。《香港空間改造王》繼續由阿正、妹頭擔任主持，節目將於7月24日（周日）起，逢星期日晚上8時播出，務求幫助港人將寶貴的生活居所變成Dream House。
李尚正、盧頌恩一直期待開拍《香港空間改造王》，妹頭對此感驚訝：「幫日本版配音嘅時候，係見唔到自己個樣，依家為《香港空間改造王》配音時，成日都見到自己同阿正喺節目度出現，有啲唔慣，感覺既陌生又熟悉咁。」
阿正笑言很榮幸可以主持香港版：「我諗觀眾想睇空間改造多過想睇我哋，其實感覺新鮮嘅，製作團隊一路拍攝舊屋翻新過程，自己都學到好多嘢，同埋本地嘅裝修無論技術、條件、物料上都有好大差別，所以同日本版好唔同。」
拍攝過程中，阿正及妹頭走訪過不同居所，看過無數裝修，其中最令妹頭難忘的，莫過於一個不足200呎的單位，經「改造」後，變成擁有多個獨立空間的安樂窩，她說：「呢間屋雖然好細，但只要花啲心思去改造，可以擁有獨立廚房、洗手間、飯廳、睡房、活動室同埋閱讀空間，覺得好神奇。」至於問到阿正與妹頭可有計劃改造現時的生活空間？他們異口同聲表示沒有，李尚正指：「無論空間改造定置業，暫時冇呢個預算。」
