謝安琪（Kay）與方皓玟合作的音樂會將於下月13、14日日假亞洲國際博覽館舉行。兩人相識多年，直至今年8月才舉行首個聯乘音樂會，方皓玟認為是最好的時機。她說︰「知道有呢個合作覺得好開心，期待已久嘅一件事終於來臨！以前覺得Kay好靚，唔係淨係個人靚，個心都好靚。我本身唔係一個說話多嘅人，但係遇上佢就有好多話題，可能因為大家都係媽媽，而且我哋都好鍾意音樂，所以有好多事情可以分享。」Kay自言是「方謝配」的粉絲︰「我都好想睇呢個騷，身邊有唔少朋友打嚟訂飛，我個熱線好似無停過。有啲好耐無見嘅朋友、甚至小學同學都好想睇，我都好開心。」
