鄭欣宜橫掃女歌手獎完成大滿貫 讚年輕歌手厲害:提自己唔可以鬆懈 (23:55)

文章日期:2022年07月24日

鄭欣宜在今晚(24日)香港金曲頒獎禮膺女歌手大獎,意味着欣宜橫掃新城﹑叱咤﹑Chill Club﹑無綫及港台的所有女歌手獎,完成大滿貫。

欣宜受訪時開心說:「特別多謝唱片及經理人公司畀我好多信心同支持我,為我爭取好多嘢,感覺好奇妙,喺呢個空間及1廠,經歷好多唔同嘅嘢,但我覺得未完,希望自己繼續進步,好多嘢做得更好,透過音樂記錄低每個成長。」

問到如何慶祝?她笑言想吃薯條,但明天(25日)要唱新歌,所以稍後一次過食,她續說:「啱啱放完假,一日食幾次Pizza及雪糕,都夠喇,嚟緊就要開騷,所以都要返嚟喇。」

問到下個獎項目標,她坦言恨繼續冧莊,同時又讚現時年輕歌手:「全部都勁到咁樣,好厲害,我頭先喺台下睇,最勁嘅係有幾位好年輕,我諗緊我啱啱開始唱歌時,已經20幾歲,都係發夢同一嚿雲,依家開始知道自己做緊乜嘢,我都眨眼(做歌手)10幾年,依家歌手好叻,同時提醒自己唔可以鬆懈,繼續努力。」

日前是已故藝人沈殿霞(肥姐)的77歲冥壽,Google的首頁Google Doodle特別變為肥姐的插畫。鄭欣宜事後在社交平台分享Google的頁面截圖,她今晚說:「Google喺去年同我聯絡,想將娘親肖像,做得最靚,家人都喜歡,多謝佢哋,係我嘅責任去延續佢(肥姐)嘅legend,都好感動,當日係我娘親西曆生日,外國粉絲們有share,記得佢啲電影同埋戲。」

(即時娛樂)