創作歌手Tyson Yoshi（程浚彥）將於8月在九展STAR HALL舉行4場《MY NEW WORLD ORDER》演唱會。繼為打擊炒風以實名制方式賣飛後，今日他公布演唱會指引，又贏得網民大讚，表示歌迷購票入場已是最大的支持，謝絕燈牌與送食物等應援。
他寫道：「知道就嚟演唱會 大家可能想做下應援嗰啲嘢 但我想同大家講今次演唱會我都係其中一個導演 我對成個現場嘅氣氛有一定嘅諗法 希望大家唔好做任何發光嘅嘢帶入場 手機flashlight✓ 燈牌×」「同埋大家如果要送嘢食亦都希望唔好 因為始終團隊人數唔多 唔係好似大公司有好多人手去處理呢啲嘢 會加重咗成個團隊嘅負擔 你哋肯買飛睇表演 已經係好大嘅支持 多謝合作 到時見」
網民對Tyson Yoshi拒絕燈牌激讚，指燈牌是對其他觀眾是滋擾，有留言：「仲有唔好戴果啲發光兔子耳朵頭箍，勁討厭！」、「好似聽聞過有啲發光腰帶 希望無人咁癲啦！」又有說：「可唔可以叫啲人唔好首首歌都大合唱呀？」
