Frankie哽咽講MIRROR隱形人 自爆曾窮到借錢生活 (23:10)

文章日期:2022年07月25日

MIRROR今晚(25日)在紅館舉行演唱會,各成員接力演出,當盧瀚霆(Anson Lo)跳唱完落台後,陳瑞輝(Frankie)在台上講自己由「隱形人」,到有劇拍,中間度過低谷,其間他一度哽咽,Fans則尖叫拍掌鼓勵。

Frankie娓娓道來:「究竟『隱形人』係如何練成?隱形人唔係浪得虛名,好似黑洞咁係咁吸你入去,好似訪問同綜藝節目,如果你講慢一秒,你句嘢會畀隊友搶咗嚟講,跟住又會畀人話冇嘢講。

但我見過一啲好嘅Comment讚Frankie,話好專業,我見成個訪問都喺度笑,真係多謝佢。既然講MIRROR隱形人,一出道我好有抱負,我好想影響其他人,為世界有貢獻,好似好勁咁,但係慢慢我嘅目標,無啦啦變咗MIRROR,MIRROR變咗我嘅目標,團隊目標同個人目標唔可以一樣,所以跟呢個目標行,我愈行就愈迷失,我愈冇咗自己。

MIRROR就愈來愈好,愈來愈多嘢做,但我自己喺屋企望住四面牆,疫症爆發,我窮到要問人借錢過生活,我愈來愈冇自信,我開始質問自己,點解我要嘥咁多時間去擔心生活,而唔係諗點樣做好自己?

不過呢個世界好得意,不停咁變,疫症好返少少,我都有返嘢做,拍《調教你MIRROR》,第2次MIRROR演唱會及《IT狗》入面嘅Never(劇中角色),我好感恩,我估唔到Never悲觀嘅樂觀,亦暫時成為我嗰時價值觀,教識我點樣度過低谷,苦中作樂。

我見到拍劇呢條路有光,喺今年我對自己有番希望,我30歲由Dancer轉做MIRROR,其實乜嘢都有可能,點樣影響唔到人,乜嘢都有可能,係咪?我想大家同我戒咗一個習慣:『唔好相信自己做唔到,唔係要你做得好好,只係面對挑戰時,唔好先放棄自己,要相信自己先,咁就乜嘢都可能,NEVER SAY NEVER﹗」之後Frankie向觀眾借信心,之後帶頭唱《無盡》開頭,之後12子一齊上台合唱。

相關新聞:「教主」Anson Lo登場騷白滑腋窩 向後瞓身落台勁驚險

相關新聞:AK Rock爆全場 孖好兄弟陳卓賢「Ianson」合體獻Sing

相關新聞:Jer Stanley李駿傑陳瑞輝鬥妖 姜濤孖20位舞蹈員跳唱 氣勢十足

相關新聞:MIRROR白馬王子Look型爆登場 從天而降唱爆紅館

相關新聞:MIRROR紅館演唱會開鑼 74歲汪明荃拎手燈捧場High爆

相關新聞:MIRROR演唱會|排隊人龍長又亂 天氣翳熱 入場觀眾怨聲載道

相關新聞:九巴開辦11條特別線 MIRROR成員應援巴士接載歌迷回家

相關新聞:MIRROR演唱會今晚開鑼 200鏡粉紅館外爭相購周邊產品

相關新聞:MIRROR演唱會今開鑼 姜濤狂曬自拍照 Edan新髮色曝光

(即時娛樂)