拆你個夢|七師傅踩場挑機 預言保錡未來老婆「醜樣但有錢」 (19:23)

文章日期:2022年07月26日

ViuTV節目《拆你個夢》逢星期一至五晚上11時正播映。節目由杜如風、ERROR成員吳保錡(保錡)和王頌茵(Kathy仔)擔任主持,並以嶄新手法將夢境化成影片,以搞笑方式替藝人嘉賓重返夢境。另外,節目亦會虛構不同場面,將嘉賓遺忘的夢境「重組」,由解夢專家拆解夢中迷思。

今晚(26日)播出的一集,邀得七仙羽(七師傅)和潘紹聰作嘉賓,一齊探究「夢」。七師傅指自己擅長解夢,更「挑機」解夢專家辛巧琪(Binky),即場分享解夢心得。潘紹聰期間突然爆料,指與七師傅相識多年,知道對方有一事最為介意,就是被人稱為「油麻地廟街師傅」。七師傅聞言立即反駁:「我幾時介意過呀?」雙方各執一詞,場面失控。

七師傅更自爆擁有發預知夢能力,曾靠發夢助不少客人捉姦。七師傅突然放話,笑指保錡一講捉姦問題就避而不談,嚇窒保錡。更直指從預知夢中看到保錡的未來老婆「有錢但係醜樣」,嚇到保錡大嗌「唔好」兼反問七師傅醜美的標準,全場爆笑。

(即時娛樂)