羅冠蘭讚謙虛冇架子 譚俊彥︰仲有好多嘢要學 (18:22)

譚俊彥日前聯同前香港演藝學院副教授羅冠蘭，為本年度無綫藝員訓練班擔任客席講師，與來自香港、內地及馬來西亞的學員分享演戲心得。譚俊彥傳授演喊戲心得︰「我會用（演戲時）對手畀我嘅刺激，我會望住我嘅對手、利用空氣嘅流通你先放鬆到，慢慢你就Feel到對眼Hold唔住啲眼淚......其實你覺得自己好多眼淚咩？鏡頭上睇唔到，所以控制住唔好講嘢，到最後先望住對手講對白。」譚俊彥一邊說一邊眼泛淚光，睇到一眾學員驚嘆兼拍掌。