陳貝兒的父親是著名音樂會監製陳永鎬，她自小已與紅星為伴，經常在紅館「放暑假」。她接受港台《舊日的足跡》訪問時回憶小時候常在紅館後台做暑期作業︰「我覺得天王巨星好親切，佢哋喺台上發光發亮，台下就好似大哥哥大姐姐。梅姐（梅艷芳）最鍾意帶我入佢嘅化妝室，幫我戴上佢啲頭飾，嗰啲森巴舞嘅頭飾好靚。譚詠麟請我食好多嘢，而哥哥張國榮就最鍾意拖住我哋去食宵夜。不過，我從來冇諗過要去紅館開騷做歌手，有人想提名我參選香港小姐，但我最有興趣嘅都係做司儀。入行之後我未做過香港小姐司儀，但做過香港先生司儀，嗰次我同Do姐（鄭裕玲）、楊千嬅合作，見到好多型男仲開心。」
