MIRROR演唱會事故 羅家英稱Edan好驚好失落 (18:33)

文章日期:2022年08月01日

羅家英今天(1日)和太太汪明荃出席《紅伶宴》電影欣賞會,家英哥原定跟阿姐欣賞MIRROR演唱會首場,不過他因工作在身而錯過,而跟家英哥熟稔的呂爵安(Edan),原先安排他看第6場,惜MIRROR的第4場演唱會發生嚴重事故,餘下場次及網上直播一律取消。

事後家英哥曾聯絡Edan,問對方怎樣回覆?家英哥說:「佢都好驚,好失落。(Edan心情如何?)我同佢用文字溝通,覺得佢唔開心,心情當然受影響,佢彈琴嗰Part咁好,好受歡迎。」

家英哥亦安慰Edan:「今次係經驗,做演員要經過好多風浪,今次係一個警惕,唔好恃後生就衝動、興奮,做一啲危險嘅事,要累積經驗,小心啲,做唔到唔好夾硬嚟,要為安全着想。」

家英哥表示言今次意外好震撼,幸好不是屏幕尖角插在舞蹈員李啟言(阿Mo)身上,希望阿Mo能獲良好醫學治療,令傷勢減到最輕:「希望他的神經線自然修復,若干年後會痊愈,相信會有後遺,但沒辦法,這個是人生一個劫,人生是無常,曾江都無常,是人生體會。」

(即時娛樂)