無綫劇集《痞子殿下》昨晚播出第8集，劇情講到霍青山（曹永廉飾）為女兒霍小妹（JW飾）舉行比武招親，單戀着小妹的裘千刀（朱敏瀚飾）為愛出戰。朱敏瀚日前在社交網上載吊威吔花絮片，片中的他一邊在穿吊威吔裝備，一邊搞笑吟詩「日吊夜吊，廠吊完外景吊，天晴吊陰天吊，落雨都要吊」，被網民封為「吊神」。
周嘉洛、陳瀅、王灝兒（JW）、朱敏瀚拍攝該場比武招親戲時十分辛苦。首次拍古裝劇的陳瀅笑言雖喜歡吊威吔，但難頂當時的酷熱天氣。她說︰「有一次廠景接外景再接廠景咁吊威吔，真係攰到喊出嚟，最神奇係同一時間JW都喺附近喊緊，我哋攬住喊話好辛苦。」JW首次體驗吊威吔：「吊威吔嗰啲位真係會瘀，同埋係好攰。」
