兩子之母梁靖琪（Toby）最近進軍飲食界，Toby聯同老字號品牌合作推出月餅，自從升呢做媽媽後，Toby為照顧小朋友，已耗盡個人時間，暫時難以拍劇，卻把握今次機會延續自己的事業夢。
她說：「我好鍾意煮嘢食，不如試做月餅，我好重視家庭聚會，中秋呢啲節日傳統上，都係一家人團圓食飯，切月餅開開心心，成個感覺好好，於是就拍板做。」
投入這門生意，背後還因為Toby有顆暖暖的「私心」：「好想買到適合屋企人食嘅月餅，Daddy（梁家樹）好鍾意食月餅，老爺、奶奶亦好鍾意食甜嘢，但始終年紀唔細，爸爸又有糖尿，所以都想佢哋食得健康，今次做月餅著重健康材料，用海藻糖代替白糖，令糖分減半。」
Toby亦不忘冧老公，特意在月餅加入非傳統味道，就是老公的至愛口味：「老公好鍾意斑蘭味蛋糕，所以我提議月餅師傅，不如試做呢隻味，點知效果真係perfect match。」
Toby日前親自為月餅拍廣告，大騷產後火速收身成果，更化身「愛心做餅師」，一絲不苟體驗做餅流程，她說：「我平時喜歡下廚，但唔係成日整甜嘢，所以完全被考起，大家見到整月餅，一啲都唔容易，我學咗一段時間，但本身手腳不協調，絕對有進步空間，不過唔緊要，我去學做餅的主要目的，是希望對自己生意更清楚了解。」
今次Toby生招牌做月餅，好姊妹「七魔女」可有第一時間「落單」支持？Toby笑說：「有呀！佢哋好支持，打了支強心針，不過今次始終係第一次，只係想試試，唔係推出好多，所以我叫佢哋唔好訂咁多，希望外邊多些人可以試到我嘅月餅。」
