李璨琛（Sam）和老婆梁志瑩（Sophia）的4歲囡囡李元元（Lucy），是網民的開心果，Lucy媽媽經常在社交網分享女兒生活點滴，深受網民歡迎，不過日前一個帖文則「玩出火」，搞到Lucy媽急刪Lucy的Instagram帳號。
事緣Lucy身穿白色紅心圖案裙子，閃令令高跟鞋，坐在椅子上吃東西，不過Lucy竟開玩笑取笑囡囡：「廟街流鶯一枚，喂呀你可唔可以着番好對鞋先再講呀，你咁樣係唔會有客㗎。」
此番留言惹爭議，引來大批網民留言圍剿，斥Lucy媽媽用詞不當，有網民直言：「呢個世界真係乜人都有，咁樣笑自己親生女，仲要擺上網」。
