無綫劇《痞子殿下》昨晚（16日）播出第12集，焦點落在阿四（周嘉洛飾）、蠻儀（陳瀅飾）的「密室逃脫」戲，嘉洛「樹熊抱」式攬實陳瀅身體爬出密室，2人「零距離」身體接觸之餘，亦相當考腰力，最後嘉洛和陳瀅深情對望，畫面搞笑之餘亦甜蜜滿瀉。
談到拍攝場口頗有難度，陳瀅笑言：「嗰場戲我係吊住喺度拍嘅，但最辛苦唔係喺重量，而係尷尬比較多啲，好彩拍攝順利。」嘉洛則笑謂：「呢套劇好多場戲都好考腰力，好彩條腰暫時都冇事！」
至於一連兩晚上演的「魁夢傳奇」選美比賽，最終由「小妹」JW奪冠，「豆皮姐」尹詩沛獲亞軍，「蠻儀」陳瀅則獲頒季軍。「娟娟」小寶參賽時連環爆出「選美黑幕」，她恃着哥哥「榮嘯」（韋家雄飾）勢力，幫好友JW、陳瀅入圍之餘，又靠關係奪得「友誼姑娘」獎項。
「娟娟」自我介紹時，以「港姐腔」說：「我最鍾意食嘢，所以連我隻狗都叫『雞髀』，多～謝～」相當搞笑。
