林家謙在紅館舉行的演唱會叫好叫座，8月27日的加場亦已售罄，反應熱烈。林家謙曾為不少歌手作曲，當中包括身在外地的鄧小巧，家謙曾為她寫了《重陽》﹑《原罪》和《怕黑》等。
鄧小巧今日凌晨在Ig貼了林家謙彈琴﹑她在唱歌的短片，她透露幾個月前，林家謙想請她擔任個唱嘉賓，問她會否回港，當時鄧小巧表示一定返，她在Ig寫道：「我問：幾時啊？ 佢話：8月尾。 我問：幾尾啊？ 佢話：8月20左右啩！ 我內心講咗粗口！ 因爲8月20號我喺美國要做嘢，隔離完，佢個show就開完啦。
內心一直期待香港可以改隔離政策，冇錯係改咗，但3+4嘅四日我係冇得去展覽場館。所以都係做唔到。依家加場，家謙再問我，都係做唔到。
因爲LA遲香港15個鐘，我就算做完show即返，都會因爲隔離政策而趕唔到。其實自己都傷心過好多次，因爲林公子真係寫咗好好好好嘅歌俾我。雖然我趕唔切，但我仍然好好好好十萬個好替佢開心，繼續good show!」林家謙也在鄧小巧Ig留言：「可惜你在隔離。」並留下2個流淚emoji。
