無綫劇《白色強人II》昨晚（22日）劇情講述張庭（劉溫馨飾）及Martin（張達倫飾）偽造錄音，離間YT（郭晉安飾）及唐明（馬國明飾），令曾有嫌隙的2人再生裂縫，YT更宣布將唐明踢出草案委員名單。Yan（張曦雯飾）懷疑葉晴（胡定欣飾）與假錄音有關，約見葉晴了解途中，卻在隧道遇上無差別殺人事件，以致頸部中刀。
無差別殺人事件主角，由《流行都市》主持譚永浩飾演，無論是力證自己沒有精神問題逼切樣、殺人時兇狠樣、及遭制服時恐怖笑容及眼神，均相當夠殺，有網民直指看了「起雞皮」。
譚永浩感激導演細心指導：「間唔中都有朋友話我眼神奸奸哋，我都有反覆咁喺鏡練番陰森感；去到現場導演再幫我細執望人角度、眼睛大小、以及笑容幅度，仲叫我加少少Joker元素落去，出嚟效果真係更心寒，好多謝佢。」
譚永浩又透露該場戲由晚上七點多拍至翌日清晨，單是夾走位及Timing，已花掉大量時間。問到瘋狂拮人會否擔心意外弄傷其他演員，他譄：「劇組準備嘅係伸縮刀，而且同刀有接觸嘅演員都戴咗護墊，我可以好放心拮落去。」
