由毛舜筠（毛姐）﹑姜濤和柳應廷（Jer）合演的《阿媽有咗第二個》，票房已破3000萬，成績理想。《阿媽》的官方Instagram今晚（31日）再貼出拍攝花絮片段，帶網民返去「阿媽現場」，並揭示「阿媽背後有啲乜」。
片中飾演方晴的姜濤，在茶餐廳內正聽從導演彭秀慧講解，原來姜濤正練習方晴簽名式樣，該帖文寫道：「估唔到茶餐廳伙記揸筆除咗落單，仲要簽名...仲要問導演個簽名有冇情緒...呢位仁兄真係可造之才（材）...」不少姜糖（粉絲暱稱）留言表示想要「方晴」親筆簽名：「張相無用？可唔可以送畀我？」﹑「問有無情緒，勁」。
