ERROR成員郭嘉駿（193）﹑肥仔（梁業）﹑MC張天賦﹑炎明熹（Gigi）﹑姚焯菲（Chantel）和ANSONBEAN等，將出席9月9日舉行的《叱咤樂壇Brand New Live 生力軍音樂會》，193為音樂會拍攝訪問片段。被問到如果在「平行宇宙」中，最想呈現一個大家都未見過的自己會是什麼，193表示想做跳唱歌手，他說：「即係Anson Lo（盧瀚霆）嗰種，成日單眼電人，我少做呢啲嘢，即係Anson Lo跳唱《再次Puppy Love》呢個形象，每步都用力跳，又會單眼畀心心。」
另外，問他最想跟哪個單位在舞台上合作，他說：「想同Gigi及Chantel合作，因為呢個係平時『冇可能合作』，今次可以借啲易同隔籬台（無綫）合作，咁都幾開心吖﹗認識兩個小妹妹，男仔識女仔，基本嘢。」再問他想在舞台上做無限制表演會是什麼？193說：「我會想喺舞台上打籃球，因為我最鍾意打籃球，我又入唔到港隊﹑打唔到NBA，喺場內逼人睇我打籃球。」
