今天（9月1日）是開學日，不少莘莘學子結束暑假收拾心情返學，圈中不少星二代今天也開學，關心妍（Jade）的囡囡楊榮心（心心）升讀小一，Jade和老公楊長智專程湊女兒返學，她在Ig貼了湊女返學照，並寫道：「心心話咁快就讀小學，你着住小學校服孭起書包嗰一刻我差啲喊出嚟，你要享受學習爸媽一定支持你！各位小朋友開學愉快！家長校長老師一齊加油啊﹗」
吳日言（Yan）和老公育有一對仔女，今早她湊女兒開學，她寫道：「有兩個look想同大家分享!媽媽帶小朋友返學、放學、上興趣班，呢種碌叫忙碌。書包仔已經成為媽媽嘅指定手袋，呢一種叫媽媽look。」
黃祥興今早則拖住6歲兒子返學，他的囝囝也入讀小學，祥興在社交網留言：「爸爸祝你一切順順利利，唔使停課，好好學習。」
徐榮的兒子徐朗亦結束暑假，昨天返英國繼續學業和足球訓練，徐榮在社交網貼了送機照，他寫道：「哥哥返去開學啦，俾心機讀書，今年要加大油，#包姐（囡囡）話自己今次送機冇喊好叻 #好快又見 #開心嘅時間過得特別快。」
