MC張天賦和洪嘉豪昨晚（4日）在九展Star Hall舉行尾場演唱會，李璨琛的4歲囡囡李元元（Lucy）原來都有捧場，Lucy媽媽梁志瑩在社交網貼了Lucy睇騷的相片，這位4歲的「賦二代」（粉絲暱稱）看得相當投入，兼且坐正第一行中間位置，她還揮動熒火棒支持，看得手舞足蹈，最搞笑是Lucy媽媽帶定3個Yoga Block墊高給囡囡坐。
Lucy媽媽寫道：「開學前特備節目，去睇MC嘉豪嘅演唱會。身為歌迷會嘅永遠榮譽會長（自稱），獲安排坐第一行最中間個位（威😆），開場前老母驚佢唔知會唔會覺得太大聲，驚驚乜乜盛盛，開show後老母知道自己完全諗多咗。
佢一秒入局，唱完第一首歌已經尖叫，老母驚訝冇諗過佢咁狂粉，隔離（籬）左右都忍唔住笑佢嘅投入程度。全程係咁問MC會唔會見到自己（吓？尋求身份認同？）直到MC真係見到佢同佢打咗個招呼，我覺得佢個心定咗好多，😂😂😂最值得一提係細心老母帶咗三個yoga block墊高俾呢位榮譽會長坐，絕對應該獲得掌聲嘅嘉許。」
