早前飛赴英國的徐天佑上月底返港，而對天佑勁嗒糖的雷深如，日前在facebook貼了和天佑舊照，她寫道：「突然搵返幾年前嘅呢張相....係！我由細到大嘅偶像都幾多。古天樂就一定係啦，我喺報紙剪晒佢啲頭落嚟痴（黐）晒喺日記入面。
但真正終極痴戀過嘅，連我屋企人到而家都仲記得：即係剪晒報、買晒所有CD、YES、Teens、去Yes Station換晒所有poster同souvenir，只有徐天佑一個。
我記得我係Form 2第一次自己入戲院睇完《這個夏天有異性》之後就迷上咗你。所以呢張合照，對於我嚟講，簡直係神蹟，實現咗我中學時期日日FF天佑係我男朋友嘅境況。」
32歲的雷深如又憶述那些年買了天佑有份主演的電影《五個嚇鬼的少年》，她還迫全家陪她一齊收看：「啱啱前日又喺屋企再睇過，真係好好笑：『我阿哥叫陸寶寶，我阿媽叫陸太太，個個都叫我陸Baby，我最愛吃三角朱古力。』真心推介大家睇如果未睇過。」
