無綫遊戲節目《思家大戰》第二季今晚（11日）播出新一集，路芙率領的「九唔搭八」隊決戰鍾志光（鍾仔）率領的「足球吹水團」隊。鍾仔應主持李思捷要求，以講波Tone介紹隊友，生動之餘亦十分押韻，令思捷五體投地大叫「犀利」。思捷後來在路芙要求下，模仿劉德華、郭富城、黎明及張學友講「周秀娜你今次仲唔贏？」，還原電影《勁抽福祿壽》經典場面，獲全場掌聲。路芙提及她在《勁抽》中飾演「周秀娜」時說︰「係咪真係好靚？係咪似周秀娜呀？」思捷聞言顯得措手不及，只好說︰「你...直情...周秀娜咁嘅樣啦！」鍾仔「口水佬」上身，未聽清楚問題便搶答，幾乎題題答案都在「遊花園」，聽到思捷失魂。在最後「終極開口中」環節上，有人竟將無綫總經理曾志偉擺上枱，但又嚇到全程口窒。
