洪卓立（Ken）和女友劉沛蘅（Hillary）近日再次情侶檔上陣拍廣告，穿上米白色的家居服打情罵俏，更不時提點及為對方整理衣服，十分甜蜜。洪卓立笑言獲女友帶挈拍廣告︰「我平時比較少接拍呢類型嘅工作，今次算係被Hillary帶挈。以呢個狀態接工作，我當然高興，要去還神啦！希望嚟緊都可以呢個形式工作，可以一齊準備、一齊出門口、一齊收工返屋企，呢個感覺幾好！」Hillary取笑男友要在人前溫馨容易臉紅︰「我都有叫佢唔好咁尷尬，佢係一個超級容易臉紅嘅人，佢一尷尬大家都好容易睇到，啱啱開始拍時塊臉已經開始紅，哈哈﹗」
