《飯戲攻心》票房衝破3000萬，連續12天票房No. 1，導演陳詠燊報喜，留言：「三千萬。好感動。每一張飛，都是來自觀眾朋友對我們的信任與支持。衷心感謝。」
陳詠燊連日好勤力去謝票，昨日（周六）他跟張繼聰二人組出動謝票遇難題，他說：「今日（周六）畀人問得最多嘅問題係咩呢？明明我同Stephy（鄧麗欣），同Ivana（王菀之），同明禎（林明禎），甚至我自己去謝票都好少人會咁問，但今日（周六）我同阿聰兩條麻甩佬一齊，就差唔多場場都有人問：『可唔可以解釋吓咩叫Double May？』我真係唔知點解。大家真係要好好學吓中國嘅曆法，唔好再問喇！」
陳詠燊又自爆之前跟Ivana、Stephy與林明禎往謝票也會合照留念，昨日竟沒有跟阿聰影合照。想不到張繼聰玩踢爆，留言：「唔係呀，我明明想同你影相你就借啲意行開咗！」導演回覆：「說好的『男人間互相cover的默契』呢？」
