雲浩影（Cloud）今年第3首派台新歌《密切接觸者》，MV推出後點擊火速衝破21萬，Fans對於形象溫柔可愛的她，在MV中與男主角激動火爆吵架情節，表示驚訝又驚喜。Cloud說：「每對情侶都有不同相處方式，有啲會成日嗌交、睇對方唔順眼、分手呵番後又復合，正所謂相愛相殺，最緊要『就算嗌交都淨係同你嗌』，既轟烈又浪漫。」
新歌MV充滿未來感，Cloud與MV中的男朋友Matthew戴著智能頸箍，開始時2人頸箍都是藍色燈，代表「自我模式」，他們激動吵架，面紅耳赤，Cloud傷心痛哭，更一怒之下將男朋友的頸箍變成紅色燈「服從模式」，從此他不再駁嘴，靜靜地陪她看書、淋花、食飯，而MV結局令人反思。
拍攝時沒有現場收音，Cloud和Matthew放盡認真吵架，愈吵愈烈，甚至掟東西，投入程度令在場工作人員嘩然。事後他們表示非常疲倦，Cloud說：「事前我哋都有傾過嘈乜嘢，有共識要成熟話題，可以發揮愈嘈愈勁，踢嘢掟嘢都係劇情需要。現實中，我唔贊成真嗌交時掟嘢，因為之後要執番好樣衰。」
Matthew笑指Cloud：「原來你都幾吵得，好到肉，令我一秒入戲。」Cloud笑說：「我平時唔會咁，盡量控制自己情緒唔好咁波動！」吵架後緊接要拍一場Cloud為Matthew打針的場口，Cloud笑指對方嚇到腳震，她說：「雖然呢支針係道具，裏面係冬瓜茶，但佢好驚，因為我哋剛才拍完嗌交戲，而佢對我講咗啲好惡毒說話，佢驚我一時激動收唔到掣真係拮落佢度。」
這是Cloud出道第3首派台歌，之前《願望之翼》和《到了那裏就對吧》，都是描述她對未來和成長的看法，而新歌《密切接觸者》是情歌，原來唱情歌是Cloud心願，她說：「愛情對於我係一件大事，但點解到第三首先至唱情歌？因為我唔想自己咁沉迷。」
