出爐港姐冠軍林鈺洧曾被父親林俊賢潑冷水:佢叫我唔好玩 (18:26)

文章日期:2022年09月26日

2022香港小姐決賽所有賽果,昨晚(25日)塵埃落定,資深演員林俊賢的27歲女兒林鈺洧獲得冠軍,她在選美後的節目《2022香港小姐美麗繼承者》,接受陸浩明訪問,問她有什麼說話跟爸爸講,林鈺洧說:「嘩﹗我有好多說話同爹哋講,我嗰陣時問你『好唔好參選港姐?』你同我講:『叫我唔好玩』,你睇下我依家攞咗冠軍喇,多謝﹗(猜爹哋有什麼反應?)我諗佢應該好驚喜嘅,其實佢唔贊成我嚟喇﹗」

另外,林鈺洧接受無綫娛樂新聞台訪問時,被問到父親有沒有收看節目,她說:「我唔知佢有冇睇,佢身處國內,啲生意比較忙,不過我相信好多香港朋友講咗畀佢知。(選美期間叫你加油鼓勵你?)今次少啲,我諗佢唔想畀咁大壓力我,同埋佢可能想我自己發揮。(最滿意哪個環節?)跳舞,我本身零跳舞底子,經過參選有好多訓練,發覺跳舞都幾好,會繼續學。」林鈺洧表示完了比賽後最想吃鹹肉糉醫肚。

(即時娛樂)