王祖藍笑老婆太過「華姐」 李亞男冧爆索吻扭公主抱 (14:23)

文章日期:2022年09月28日

由王祖藍主持的《有個閨密叫祖藍》,本周六(10月1日)晚播出最後一集,嘉賓是祖藍太太李亞男。華姐出身的李亞男(Leanne)、平時予人感覺高貴大方,但當面對祖藍卻變成另一個人,不但表情動作多多,兼不介意在鏡頭前展現粗魯及樣衰一面,又多番扮惡「凶」祖藍;祖藍不但淡定,還乘機捉弄嬌妻,尤其當Leanne「走音」時,祖藍更笑到趴地,令Leanne多番要忍笑「扮嬲」兼「反白眼」,場面爆趣。

在「玩命」版「閨密快問快答」,「藍男CP」展現驚人默契,當被問到「第一次見面地方」、「第一次見面年分」、「第一次約會地點」、「第一次入戲院睇嘅戲」及「第一次接吻地點」時,2人均9秒9答出正確答案及細節,甜蜜滿瀉。

Leanne還首度展現不為人知的「驚人絕技」,就是以聲演恐龍,閉起雙眼細聽會真的以為「恐龍降臨」。祖藍事後解釋指相關絕技由他親自教授,主要是平時用來逗2個囡囡開心,足見母愛偉大,難怪祖藍大讚老婆是願意無條件付出的好媽媽。

2人今次應製作組「安排」,玩盡以往8集所有「閨密任務」,Leanne自揭是所有閨密任務幕後黑手,並大爆做Big Boss背後真正目的!玩任務期間「藍男」互爆對方黑材料,祖藍指Leanne缺點是「太過華姐」:「佢喺屋企入面都好『華姐』㗎,佢唔會發嬲啦,你其實基本上見唔到佢唔笑,佢唔明你講咩又好,佢嬲你又好,佢都係保持住『華姐』笑容,同埋佢永遠唔會太興奮,佢甚至乎喺屋企啱啱冲完涼,包住咗個頭,同我講嘢都會有『華姐』甫士。」

Leanne則投訴祖藍「惡意」放屁:「佢成日喺個被竇入面屙屁,佢明明可以講句唔好意思、然後出一出去㗎嘛...重點係我仲喺(被)入面,你要焗死自己,OK!It's alright, but you know...」之後再狂數祖藍「烏搲」事件簿,內容爆笑。

已婚7年的「藍男」,雖然經常孖公仔姿態接Job及出席大小場合,但在節目中還是大耍花槍,尤以Leanne較為進擊,2人玩Truth or Dare時,Leanne乘機向老公索吻,並撒嬌謂:「畀個機會我!(王:好耐冇咀過咩?)係,24小時前(惜惜)喇。」

當祖藍準備獻吻時,Leanne又忽然少女上身,大叫「好尷尬」,幾經扭擰2人最終甜蜜咀嘴。之後Leanne又藉「秋後算帳」要求老公公主抱:「我搞咁多嘢就係為咗你要抱我咯!」由於Leanne太高大,即使祖藍出盡吃奶之力,還是抱得相當不穩。

此時Leanne再下一城要求老公抱著她跳舞,祖藍聞言嚇至眼凸:「你真係決定咁做?我條腰要睇醫生喇喎。」

(即時娛樂)