孫慧雪（雪雪）今日（2日）帶同囝囝Riley現身樂富廣場一個活動啟動禮。Riley由雪雪陪同下與閃避球香港隊精英球員一同組隊，齊齊為「躍動閃避球對決」進行開球禮。
雪雪說：「無論工作幾忙，都一定會抽時間陪囝囝，喺市區有畀小朋友放電嘅地方，一齊玩容易掌握又刺激嘅新興運動，真係我呢啲Working Mom嘅救星！」
Riley落場激戰時，不止有姿勢兼頻得分，大顯超班運動神經。被問及是否有意訓練囝囝走運動員之路，雪雪說：「唔會刻意要佢行邊條路，好似近排佢開始玩跆拳道，都係自己話要去，咪等佢試下唔同運動，又可以同其他小朋友相處。」
她續說：「不過都驚佢會整親受傷，見到佢又彈又跳，都會有少少擔心，惟有成日提自己唔好凡事都太保護佢，要畀多啲空間小朋友自己摸索。」
