《明日戰記》創佳績 古天樂感動 劉青雲開心 姜皓文驕傲 (19:04)

文章日期:2022年10月04日

古天樂(古仔)主演兼監製的科幻電影《明日戰記》,香港票房破6625萬,榮登香港電影史上華語片十大票房第1位。古仔﹑劉青雲和姜皓文受訪時,對票房創佳績感鼓舞。

古仔說:「好開心,好感動,呢部戲用咗好多時間去做,亦得到觀眾支持,我最開心另一樣嘢係,呢一輪所有港產片觀眾都好支持,有你哋支持,我哋可以拍得多更好電影,呢個先係最緊要。」

青雲接着說:「好開心,亦好似古仔話齋,近嚟港產片得到大家支持,希望呢個係好開始,我哋再努力畀香港觀眾,知道港產片係好好,係令人賞心悅目。」姜皓文為票房感驕傲及開心,盼港產片百花齊放:「𠵱家開咗個靚頭,一路行落去。」

古仔再呼籲如果未看《明日戰記》的觀眾就快些看,已看過的觀眾就再捧場,盼票房破7000萬。

 

相關新聞:古天樂《明日戰記》破6625萬票房 登香港最賣座華語片第1位

(即時娛樂)