60歲的關之琳今天（12日）貴氣現身，戴上逾3200萬鑽飾出席傳媒預展，分享收藏珠寶心得及近况。關之琳透露早前去巴黎及泰國旅遊慶祝生日，剛回港碰巧本港防疫措施放寬至「0＋3」，就當作是一份好好的生日禮物，她說：「其實我唔想慶祝生日，但聽到呢個消息，個個朋友都好開心，就當慶祝生日，呢2個月我又會飛，個個月都去，始終3年冇真正外遊，但我唔係報復式旅遊，不過身邊好多朋友個個都報復式，今次去旅行好珍惜，原來呢3年疫情搞到人都癲咗，出去行個圈都好嘅，其實同喺香港見朋友冇乜分別，只是心情放鬆一點。」
問她會否重返幕前拍戲？關之琳說：「唔會喇！點會呢？冇人搵我，唔好喇！我記唔到對白，累到人哋等我就唔好啦！我𠵱家只會到戲院欣賞電影，亦有睇港產片，我哋都要支持，電影這個行業真的要加油！」
