古天樂今天（21日）52歲生日，他在社交平台分享一名小影迷寫給他的信件。小影迷表示日前和家人入場觀看電影《明日戰記》，外婆看完後直言「古天樂，估唔到」。小影迷想知道古天樂是怎樣成為演員，說媽媽想跟古天樂一齊飲茶，他就想參觀古天樂的玩具珍藏。
古天樂說︰「《祝我生日快樂》 幾日前嘅一啲報道，令我提早收到好多祝福同問候，感恩有咁多人關心我嘅健康，我都趁我生日，祝福番大家都要身體健康，開開心心！ 今日係我生日，我諗亦都係全年極少數，我會完全放低工作嘅一日；一如以往，都係平平淡淡咁喺屋企同家人食飯，然後一齊木口木面，好似愛登士家庭咁影番張全家福，平淡是福。 」
「每年生日我都會為自己定下一個小小目標，不如今年生日，就定下盡量多啲寫嘢上嚟分享，又或者同大家喺Comments度傾下偈呢？P.S. 附上蘇小朋友寄俾我嘅手寫信俾大家睇下，好開心喺繁忙嘅工作期間，同妳以及妳屋企人傾咗個短短嘅電話，令我可以暫時放鬆，記得要孝順父母同外婆呀！（同埋要支持阿仙奴）」
