許廷鏗（Alfred）與吳林峰將於11月18日假灣仔會展舉行《Music From Home 許廷鏗 X 吳林峰音樂會》，兩位歌手希望借音樂會主題"Music From Home"，帶出另一種家的體會。Alfred說：「近年因為疫情關係，好多朋友離開咗呢個地方，亦有可能有人計劃緊飛走，我想將屋企嘅定義拉闊啲，希望當晚入嚟睇嘅觀眾諗住『咩係屋企？』，然後透過我哋嘅歌曲，會有唔同體會。」
不少歌手趁開騷選擇在舞台上突破自己，吳林峰也不例外，更要克服「童年陰影」，他透露在求學時，曾選唱Alfred金曲《螞蟻》參加歌唱比賽，怎料被歌唱老師叮出局：「我有次喺K房唱完《螞蟻》，好多朋友都話好聽，話我把聲好似Alfred，我就自信滿滿揀呢首歌參賽，點知最後唔係輸咗咁簡單，係入唔到圍，自此之後我就好唔鍾意呢首歌。」
在「蟻洞」跌倒，就在「蟻洞」站起來，吳林峰預告將在音樂會上，並會在原唱者Alfred面前，重新挑戰《螞蟻》，更邀請當年把他淘汰的歌唱老師入場，誓要一雪前恥。
Alfred與吳林峰為音樂會聯手炮製新歌，並由吳林峰作曲，Alfred填詞，在音樂會上首次公開演唱。吳林峰一直渴望寫一首歌與對方合唱，希望「借歌敬『佛』」感謝伯樂！他說：「真係好多謝佢畀咗好多力量我，如果當時Alfred冇用到我首歌《雪糕》，可能我冇動力再寫落去，我會選擇去做社工，同小朋友唱歌就算，對於努力緊嘅人嚟講，一份信任真係好重要。 」
Alfred與吳林峰相識之際，他們的音樂事業也不約而同遇上難關，Alfred憶述當日計劃自組公司時，吳林峰第一時間不計酬勞，自薦為他寫歌。他說：「吳林峰嘅存在令我冇咁孤單，呢份情義令我有陪伴感覺，所以你我之間好難計算。」Alfred感觸表示當日吳林峰在Chill Club頒獎台獲作曲人大獎時，花了大篇幅來答謝他：「仲記得我當時已經喊到不似人形，坦白講佢成日覺得我好，但調番轉，一個等咗咁多年、咁重要嘅獎，佢第一個多謝唔係自己、唔係屋企人，而係多謝我，我覺得係一件好無私嘅事，所以我好感動，可能呢個亦係我咁惜佢嘅原因。」
這份「男人的浪漫」非筆墨可以形容，Alfred與好友鄭欣宜自封「異父異母低能巨孖寶」，問到他們可有構思新封號？Alfred笑言：「我私底下就稱呼佢做細佬，兄弟相稱，不過我知佢打機有個好威嘅『朵』，叫『正面膠峰』！」
