草蜢昨晚在紅館舉行首場《RE：GRASSHOPPER CONCERT 草蜢演唱會2022》，3子全晚在台上與眾舞蹈員勁歌熱舞，跳足3個鐘也面不改容。
原來，今次負責為草蜢演唱會排舞的，是MIRROR紅館演唱會綵排時受傷的舞者羅德智（Zisac）。他早前在Instagram上載紅館場外及紅館走廊的黑白照片，留言：「走過呢一條走廊，當日所有畫面依然歷歷在目，每一位手足情緒，憤怒﹑傷心﹑悲痛﹑無助，都不是筆墨可以形容。身體傷害可以康復，但係其他嘢，我行過呢條路一次我就知道，我一世都會記得。我唔係要喺度賣慘，我係要話畀大家知，我會克服佢，不單止我，我會盡我能力帶埋其他人一齊克服佢。」
Zisac昨晚坐在觀眾席的控制台上觀看演出，他留言︰「睇自己排嘅舞放上紅館，好緊張。」
相關新聞︰草蜢開騷即興邀容祖兒觀眾席上遠距離合唱 蘇志威欲除衫騷肌遭傑仔阻止
