ViuTV原創劇《季前賽》昨晚（10月31日）播出第6集，要兼顧家庭﹑事業及打籃球的阿良（邱士縉/Stanley飾），被上司吩咐接手同事Tim（陳郁憲飾）的爛攤子，面對欺壓，阿良也忍不住合上雙眼爆Seed鬧Tim：「其實我一直認為做主管應該要有責任，唔係一有事就搵人幫。（你咁講係乜嘢意思？）咩嘢意思？我擺明係話你啦﹗你條友縮骨卸膊又賴皮，有事就嗌救命，冇事就認屎認屁，成間公司有邊個冇幫你抹過屎呀？（你唔好單單打打，有證據就攞出嚟﹗）我對住你咁嘅人，我使乜攞證據？我有事時候又唔見你幫我，返工係咁㗎喇，你有份出糧㗎，你估你嚟做義工。（你睇你乜嘢態度？）我乜嘢態度呀，我都忍得你夠耐喇﹗」
