ViuTV原創劇《季前賽》昨晚（1日）播出第7集，關浩德家姐（李敏飾）無聲無色地將阿德（呂爵安/Edan飾）的設計付諸實行，令阿德喜出望外。關總（袁富華飾）得知兒子受光仔（郭嘉駿/193飾）鼓勵而認真工作，決定晉升光仔為阿德助手，令光仔感激萬分。
193昨晚在社交網貼了該場和Edan及袁富華的劇照及3人合照，他有感而發說：「收到劇本嘅時候，其實光仔嘅家庭背景係冇被提及。經過了解光仔之後，發現原來入獄以來都冇任何人探過佢，出獄後屋企人直頭搬走埋，電話號碼都改晒。只有三個長輩會關心佢信任佢，喪波（張繼聰飾）、敏叔（劉錫賢飾）、同埋關總。」袁富華也留言讚193：「叁爺，You are wonderful﹗」
另外，Edan也談到前晚一集，他和193十指緊扣重返籃球場的戲分，他說：「其實呢場係做咗兩個Version嘅，一個就正常嘅Bro啲，一個就而家出街嗰個...um調皮啲，點解最尾係呢個就要問導演（袁劍偉）了﹗Btw德仔跟咗光仔之後把口好似臭咗。」
