下流上車族|林敏驄炮製催淚畫面 一家人試Take相擁痛哭8分鐘 (13:43)

文章日期:2022年11月11日

無綫台慶劇《下流上車族》今晚大結局,昨晚一集的感人爆喊位一浪接一浪,先是演蔓蔓的羅毓儀,因目睹爸爸志明(林敏驄飾)疑有外遇後大受打擊,邊哭邊跑回家,攬着媽媽(江美儀飾)及家姐芊芊(郭柏妍飾)崩潰式痛哭。

羅毓儀拍攝這場戲前有向影后鮑起靜(鮑姐)請教︰「我冇經歷過呢樣嘢,所以拿捏唔到個情緒,鮑姐幫我分析話蔓蔓比較小朋友,遇到呢種情况會感受比較大,所以會喊得比較勁,聽完鮑姐講再加埋自己想像,就代入到個角色。」羅毓儀說這場戲拍了兩次,她特別感激江美儀對自己的信任︰「我拍第一Take時都喊到,但媽咪睇完Playback後覺得我可以喊得再入肉啲,叫導演畀多次機會我。我其實睇完都覺得爭咁啲,但始終自己係新人唔夠膽要求嚟多Take,亦唔敢保證會唔會做得更好,好多謝美儀姐相信我做得到,好感動。」

劇集尾聲時,受盡傷害的雯慧向志明提出離婚,志明十分後悔,邊看一家人的照片邊爆喊,同時幻想一家四口重聚相擁的畫面。不過,鏡頭一轉剩下志明孤獨地落淚。林敏驄表示這場戲是他提議加的︰「本來場戲係得我一個喊,之後我覺得兩個女啲演技都開始成熟,可以喊得出喇喎,加上大家相處咗幾個月,有咗感情基礎,所以搵埋佢哋同美儀一齊演。大家拍呢場時都喊晒,美儀都喊到收唔到聲,感覺非常好。」

林敏驄又在社交網分享拍攝當日的花絮照,透露他們試Take時已淚如雨下,相擁哭了8分鐘。林敏驄說︰「1st take已經是相當滿意達標,稍作休息,看看playback,閒話家常,說說笑,大伙吃着美儀煮來的雞翼,休息十分鐘,再來一take,一揮而就,工作本來就應該是這樣。」《下流上車族》今晚大結局。對於陷入離婚邊緣的車氏夫婦,林敏驄說︰「我哋加埋幾多歲喇?唔通仲可以有轟轟烈烈嘅愛情?只希望呢個家齊齊整整,可以同你細水長流。」

丁子朗飾演的高榮不堪外母雯慧的高壓政策,忍不住向志明訴苦,卻被芊芊無意聽到。芊芊為了媽媽忍痛與高榮分開,令新婚的二人陷入離婚邊緣。

(即時娛樂)