江𤒹生（Anson Kong，AK）與吳千語在電影《忽然心動》中首度合作並飾演KOL情侶，AK在戲中與千語奉旨談情外，更會和陳欣妍上演「牀上戲」。AK在戲中與陳欣妍打算做戲整蠱吳千語，豈料玩過火激嬲了對方。AK被陳欣妍扯高上衣時表現怕醜、動作生硬如機械人。他說︰「我未試過同女性好close咁拍攝，但以我呢個狀態嚟講，大家應該會覺得幾新鮮，因為未見過一個咁怕醜嘅AK！」
當日導演叫「Cut」後，他與劇組也忍不住爆笑，導演更再三提醒AK放鬆一點。AK說︰「我首次同陳欣妍見面，佢真係好靚，好似一個女神喺我面前，佢好好，因為佢知道我緊張同見到我好尷尬，之後佢畀我好多信心話唔緊要，呢場戲好快就過，我哋太近時我對眼唔知要望邊，就望到好低。」
除了牀戲外，AK與吳千語拍攝宣傳照時一樣表現怕醜，做不出甜蜜表情。吳千語笑說：「AK可能怕掂到我或者令我有任何唔舒服，佢好溫柔，但我知佢有啲緊張，所以我就主動少少，因為我哋始終係情侶要有啲sweet感覺，跟住我哋傾完偈後佢就放鬆少少。」
