香港新世代藝術協會音樂節2022「樂在維港」今晚（18日）在西九文化區藝術公園大草坪開幕，格林美獎得主、古典聲樂天后曹秀美來港演出打響頭炮，原本重頭表演項目還有姜濤跟曹秀美合唱。可惜早前姜濤在籃球賽受傷，手術後不宜親身到現場演出，為免捧場的「姜糖」失望，大會安排姜濤以視像連線方式跟現場樂迷見面並跟曹秀美互動。
大會司儀介紹姜濤亮相時，樂迷尖叫聲不斷，他亦熱情向Fans打招呼並交代近況：「聽唔聽到啊大家？大家唔洗擔心，一切都好好啊，跟住我繼續康復緊，大家好好Enjoy呢個騷。（好番之後最想做咩？）最想...都係上番舞台嘅，我好希望快啲好番，我可以企喺個台度同大家表演，以後都唔令大家失望。」
姜濤亦跟曹秀美隔空互動，感謝對方為自己學廣東話：「Hi Sumi，我係姜濤，我好抱歉不能同你同台表演，希望你可以享受今晚的騷，在香港有好的時光！」隨後曹秀美在胸前拿出姜濤的簽名照向觀眾展示，姜濤變怕醜仔一臉尷尬，好搞笑！最後姜濤再向Fans報平安:「同所有支持朋友們講聲Sorry，今晚再三聽咗好多醫生意見，唔方便過嚟，同製作單位講聲唔好意思，希望大家享受今晚呢個騷。」
