柳應廷（Jer）昨天推出新歌《坐看雲起時》，這是他與音樂人小克、王雙駿過去3年合作10首歌的最後一塊拼圖。新歌歌名來自王維的作品《終南別業》其中一句「行到水窮處 坐看雲起時」，Jer說︰「其實今年嘅三部曲係基於日本庭園入面嘅裝置藝術枯山水去寫個故仔。男主角經歷感情創傷，由第一部曲《離別的規矩》再到第二部曲《自毁的程序》，到今次《坐看雲起時》，某程度上男主角係走入死胡同，最尾放唔低情緒。《坐看雲起時》其實係上天想同男主角講嘅嘢，面對乜嘢都好，其實世界咁大，人生咁長，唔好再轉牛角尖。即使對方離世，都會喺上天祝福佢。不過有好多嘢都係選擇，故事中男主角最尾都係選擇跳番入去深淵。」
