張繼聰12.1開騷 爆男神女神攞飛捧場 禁上台搶風頭:用鐵鏈鎖住佢哋 (22:17)

文章日期:2022年11月29日

張繼聰將於後天(12月1日)假旺角麥花臣場館開騷,阿聰近日密鑼緊鼓為個唱綵排,他表示演唱會雖然押後舉行,反而令他有更多時間準備,他笑言希望大家覺得門票超值,被問到有沒有緊張:「唔緊張啊,因為上次嘅少少意外,反而多咗時間去練歌,同埋聽番之前綵排聲帶,檢討點樣可以唱得好啲,加上我呢啲限量型歌手,真係唔知幾時會再搞騷,所以令每張門票更顯珍貴,𠵱家係好享受,一啲都唔緊張,臨上台就唔知。」

張繼聰表示很多圈中朋友想支持,搞到自己成身飛債,他說:「圈中朋友都係攞飛比較多,不過都係支持,因為我歌影視都有涉足,太多人要飛,搞到主辦方要用『五餅二魚』方式搵門票畀我,各式各樣嘅男神、女神都會嚟捧場,因為我想焦點落喺我身上,唔想同人分享,所以會用鐵鏈鎖住佢哋,唔畀佢哋上台。」

太太謝安琪與仔女會捧場支持,但阿聰怕囡囡忍不住眼瞓,他說:「其實囡囡未睇過我做騷,希望佢會享受,因為小朋友鍾唔鍾意好直接,我怕佢扭眼瞓就弊喇,不過如果佢睇得興奮撐足全場,第二日都要準時起身返學,唔想影響佢學業!」

阿聰亦表示今次個唱不會騷肌,並叫樂迷留意歌衫,他說:「有一條百幾年嘅古董銀器,仲猛過啲百幾萬首飾,我想大家入場好似萬聖節咁,著古裝、著唐裝都唔怕,而剛剛我有另一架70年電單車已辦妥手續,呢次都會展出畀大家欣賞,大家睇好喇,唔好用手掂!」

(即時娛樂)

相關字詞﹕張繼聰